Maharana Pratap Jayanti #Tribute

Veeron ke veer the

Bhilon ke mitr

Apni maati ke putr the

jiska kabhi na jhuka tha sar

Afghano se lekar Mughalon tak ko

Haraaya ladaai mein

Dikhaaya apna tezz

Dilaa mukti apni maati ko

Woh sarv pratham swatantra senani the

Karte sabka samaan

Kiya na kabhi bhi bhed bhaav

Khud ke parivaar ne kiya vishwasghaat

Par unhone na maani haar

The woh shurveer Maharana Pratap

Jiski jay jaykaar karta aaj bhi sansaar

Aaj hai unka janmdivas

Maangte hain maafi aaj

Ki bhool gaye tumhaare balidaano ko

Na kiya tumhaara humne samaan

Ab jaante hain hum tumhaari kahaani

Jaiwanta ke putr 

Tumne hi toh swatnatr hone ki lau thi jalaai

Jab sab ne dedi betiyaan

jhukaaya apna sar

Tumne seena chauda rakh

Kara yudh pe yudh

Chodhe saare aish-o-araam

Maati ke putr tujhe shat shat pranaam

Ajabde sangini tumhaari

Amar se roshan tumhaari kahaani

Mewar ki dharti karti tujhe yaad

Maharaano ke Maharana tum

Tum ho Veer Pratap

Chitto jab samaaya jauhar ki agni mein

Saathiyon ne kara saka

Tabhi khaai thi kasam ki

Mukht karaaoge apna kila

Haldighati mein dikhaaya Mughalon ko

Ki tumhaari ragon mein lahu nahi

balki bheti thi angaar

Chetak ne diya tha balidaan

Bachaaye tumhaare praan

Aaya bhai Shakti

Jisne diya tumhaara saath

Khoya bahut tumne apne jeevan mein

Phir bhi na maani haar

Ladte rahe dat ke

Anth mein waapis chala gaya Mughal Samrat

Chodha swapn usne Mewar ko prapt karne ka

Hey veer putra tumne apna vacchan poorn kara

Aaj bhale hi sab na jaane

Jaanu main tumhaari kahaani

Hai aaj janmdivas tumhaara

Deti hoon ek vacchan

Na jhukega mera sar kabhi

Na maanu main haar

Ladu anth tak apne samaan ke liye

Chaahe saamne kyun na khada ho sansaar

Adarsh tum Mitr tum

Maati ke Veer Putr tum

Ho tum Maharana Pratap

Aaj hai janmdivas tumhaara

Tumko shat shat pranaam